Jedes Johr am Zehnte, jrad
vör dem jecke Dach un eine noh d´r Schandnaach, weed alles
widder waach. Et Mucki un d´r Wolfjang, d´r Fritz un
och d´r Schang, die treffe sich am Mahnmol, un dann doort
et ja nit lang; do kumme se jetrocke: Pap un Mamm un Panz, met Käze
un met Blömcher un ston stell vör dem Kranz. D´r Fritz, dä
zubbelt jet am Schlopp. Hä es e beßje scheu. Un op dem Schlopp,
do steit: Edelweißpirate sin treu.
Sulang em Hätz vum
Ihrefeld
ne Kranz am Bahdamm
litt,
sulang, ehr Edelweißpirate,
verjesse mer üch nit.
D´r Wirjes Jupp mät de Honneurs. Hä schängk - dat
muß su sin. ProKöln bei uns en Kölle? Wo köme mer do hin?! Er Mucki
es fresch ondoleet un sät uns jode Dach. D´r Schang, dä es
en stolze Krat. Wä hädden dat jedaach!? Un jetz - wie künnt et anders
sin - jetz weed Musik jemaat. Jetz dummer all jet schunkele. Dat
es bei uns su Aat. Mer kriesche un mer laache, doch mer verjesse
nit, weil uns dä Dach am Mahnmol su ärch am Hätze litt.
Sulang em Hätz vum
Ihrefeld
ne Kranz am Bahndamm
litt,
sulang, ehr Edelweißpirate,
verjesse mer üch nit.
Sulang et he en Kölle
uns Modersproch noch jitt,
sulang, ehr Edelweißpirate,
verjesse mer üch nit.
© t+m: rollybrings 2007
Der zehnte November
Jedes Jahr am Zehnten,
gerade vor dem närrischen Tag
und einen nach der Schandnacht, wird alles wieder wach.
Die Mucki und der Wolfgang, der Fritz und auch der Jean,
die treffen sich am Mahnmal, und dann dauert es gar nicht lang;
da kommen sie gezogen: Vater und Mutter und Kind, mit Kerzen und mit
Blumen und stehen still vor dem Kranz. Der Fritz, der zupft etwas
an der Schleife. Er ist ein bisschen scheu. Und auf der Schleife,
da steht: Edelweißpiraten sind treu.
Solang im Herzen Ehrenfelds
ein Kranz am Bahndamm liegt,
solang, ihr Edelweißpiraten,
vergessen wir euch nicht.
Josef Wirges begrüßt die Ehrengäste. Er schimpft
-das muss so sein.
ProKöln bei uns in Köln? Wo kämen wir da hin?!
Die Mucki ist frisch ondoliert und sagt uns guten
Tag.
Der Jean, der ist eine stolze Krat. Wer hätte das
gedacht!?
Und jetzt - wie könnte es anders sein - jetzt wird
Musik gemacht.
Jetzt schunkeln wir alle. Das ist bei uns Sitte.
Wir weinen und wir lachen, doch wir vergessen nicht,
weil uns der Tag am Mahnmal so sehr am Herzen liegt.
Solang im Herzen Ehrenfelds
ein Kranz am Bahndamm liegt,
solang, ihr Edelweißpiraten,
vergessen wir euch nicht.
Solang es hier in Köln
unsere Muttersprach noch gibt,
solang, ihr Edelweißpiraten,
vergessen wir euch nicht.
|