Maat et jot
Sechsmol troke Johre
en et Land.
Wo blev de Zick? Sei es uns fottjerannt.
Mer han jeleht, dozeet, jeschwaat;
üch e paar Saache beijebraat -
un hoffentlich nit ze vill falsch jemaat.
Freud un Leid - dat
hatte mer jenoch.
Mänchmol Schneckekruffe - mänchmol Vugelfloch.:
Arbeit. Fiere. Nemme. Jevve.
Laache. Kriesche. Dat es Levve.
E Stöck vum lange Wäch hat ehr jeschaff.
Maat et jot. Vill
Jlöck op örem Wäch.
Ob de Zigge jot sin udder schläch:
He op Äde fruh ze wäde - dat es ör Räch.
Maat et jot. Vill Jlöck op örem Wäch.
Us klein Pänz
woote junge Lück.
Jestere es vörbei - un hück es hück.
Mer wünsche üch e besser Morje
ohne Kreech un Hass un Sorje -
un jedem he e Stöck vun singem Draum;
un jedem Kind vun üch ne jröne Baum.
Maat et jot. Vill
Jlöck op örem Wäch.
Ob de Zigge jot sin udder schläch:
He op Äde fruh ze wäde - dat es ör Räch.
Maat et jot. Vill Jlöck op örem Wäch.
März 1999
Ó rollybrings1999
|