Nubbel-Danz (Runterladen zum Mitsingen)

Zick Wieverfastelovend nit jepennt.

En Woch, die Dach un Naach nit kennt.

Ävver diensdachsovends weed jeflennt:

Die Zick, die rennt. Die Lunt, die brennt.

Hey, Mädche, kumm un danz, [3X]

bes Äschermettwochmorje.

Dem Herrjott dun de Ohre klinge:

Sechs Dag’ un Näch’ kann Kölle singe,

des Ovends fiere, danze, springe -

un morjens dann de Botz nit finge.

Hey, Mädche, kumm un danz, [3X]

bes Äschermettwochmorje.

Stöpp zo Stöpp un Äsch zo Äsch.

Die letzte Tüt. Die letzte Fläsch.

Keine möde Cent mih en d’r Täsch.

Äschermettwoch steit d’r Fesch om Desch.

Hey, Mädche, kumm un danz, [3X]

bes Äschermettwochmorje.

Diensdachsovends vör d’r Kneip op d’r Eck:

Ne Knubbel Minsche, ‘all blue’n black’.

D’r Nubbel brennt - jlich es hä verreck:

Wä he nit kriesch, es wirklich jeck.

Hey, Mädche, kumm un danz, [3X]

bes Äschermettwochmorje.

Danz, su lang du danze kanns, [3X]

bes Äschermettwochmorje.

Danz met meer dä Nubbel-Danz [3X]

bes Äschermettwochmorje.

© Text und Musik: Rolly Brings 2008