Rolly Brings - Ränbogen-Krejer - Regenbogen Krieger -

Ränbogen-Krejer

För die Fraue un Männer vun Greenpeace,
die met Mot, Phantasie un Verstand,
un em Hätze die Warnung vun dä Cree
för uns Äd kämpfe, ohne Waffe en d´r Hand.

Wä stopp dat Jefscheff mem Jummiboot?
Die Ränbogen-Krejer sin do.
Wä klemmp dem Konzern frech op d r Schlot?
Die Ränbogen-Krejer sin do.
Wä pröf uns Luff, uns Wasser, uns Äd?
Die Ränbogen-Krejer sin do.
Wä es dat, dä en de Atomsperrzone fäht?
Die Ränbogen-Krejer sin do.

Wä schwemmp zwesche Wal un Walfangscheff?
Die Ränbogen-Krejer sin do.
Wä blockeet bei Bayer die Zöch met dem Jef?
Die Ränbogen-Krejer sin do.
Wä zeich uns die Bomb, die lang allt tick?
Die Ränbogen-Krejer sin do.
Wä lihrt uns dä Indianersproch us ahler Zick?
Die Ränbogen-Krejer sin do.

Eesch wenn d´r letzte Baum jeschlage es,
wenn mer d´r letzte Fesch jefange han;
eesch wenn d´r letzte Floß verjef es,
wäde mer merke, dat mer Jeld nit esse kann.
Die Lück, die öm uns Äd sich sorje:
Die wäde immer mih.

Die Malocher för e minschlich Morje:
Die wäde immer mih.
Die Minsche, die ehr Moder Äd han erkannt:
Die wäde immer mih.
Die Ränbogen-Krejer he en unserem Land:
Die wäde immer mih.

Eesch wenn ne Baum uns wie ne Broder es,
wenn mer maache met dem Morde Schluß;
wenn d ´r Ränbogen üvver reinem Wasser steit,
eesch dann sin mer zo Huus.

© rollybrings

Für die Frauen und Männer von Greenpeace,
die mit Mut, Fantasie und Verstand,
und im Herzen die Warnung der Cree
für unsere Erde kämpfen, ohne Waffen in der Hand.

Wer stoppt das Giftschiff mit einem Gummiboot?
Die Regenbogen-Krieger sind da.
Wer klettert dem Konzern frech auf den Schlot?
Die Regenbogen-Krieger sind da.
Wer prüft unsere Luft, unser Wasser, unsere Erde?
Die Regenbogen-Krieger sind da.
Wer ist es, der in die Atomsperrzone fährt?
Die Regenbogen-Krieger sind da.

Wer schwimmt zwischen Wal und Walfangschiff?
Die Regenbogen-Krieger sind da.
Wer blockiert bei Bayer die Züge mit dem Gift?
Die Regenbogen-Krieger sind da.
Wer zeigt uns die Bombe, die lang schon tickt?
Die Regenbogen-Krieger sind da.
Wer lehrt uns den Indianerspruch aus alter Zeit?
Die Regenbogen-Krieger sind da.

Erst wenn der letzte Baum geschlagen ist,
wenn wir den letzten Fisch gefangen haben;
erst wenn der letzte Fluss vergiftet ist,
werden wir merken, dass man Geld nicht essen kann.

Die Leute, die sich um unsere Erde sorgen:
Die werden immer mehr.
Die Arbeiter für ein menschliches Morgen:
Die werden immer mehr.
Die Menschen, die ihre Mutter Erde erkannt haben:
Die werden immer mehr.
Die Regenbogen-Krieger hier in unserem Land:
Die werden immer mehr.

Erst wenn ein Baum uns wie ein Bruder ist,
wenn wir mit dem Morden Schluss machen;
wenn der Regenbogen über reinem Wasser steht,
erst dann sind wir zu Hause.